വോളിബോൾ അക്കാദമി നടുവണ്ണൂർ വികസന ജനകീയ കൺവെൻഷൻ 25ന്

നടുവണ്ണൂർ: അത്യാധുനിക സൗകര്യങ്ങളോടെയുള്ള ഒരു വോളിബോൾ അക്കാദമിയെന്ന വോളിബോൾ പ്രേമികളുടെ ഏറെക്കാലത്തെ സ്വപ്നങ്ങൾ നടുവണ്ണൂരിന്റെ മണ്ണിൽ യാഥാർത്ഥ്യമാവുകയാണ്. പദ്ധതിയുടെ വിജയത്തിനായി ജനപ്രതിനിധികൾ, വോളിബോൾ പ്രേമികൾ സാമൂഹ്യ-രാഷ്ട്രീയ പ്രവർത്തകർ, നാട്ടുകാർ എന്നിവരുടെ വിപുലമായ ജനകീയ കൺവൻഷൻ ഡിസംബർ 25 ഞായറാഴ്ച വൈകീട്ട് 3 മണിക്ക് നടുവണ്ണൂർ വോളിബോൾ അക്കാദമിയിൽ നടക്കും. 

       വോളിബോളിനെ നെഞ്ചോട് ചേർത്ത ഒരു കൂട്ടം സ്ഥിരോത്സാഹികളുടെ കഠിന ശ്രമഫലമായി അക്കാദമിയുടെ നിർമ്മാണ പ്രവൃത്തികൾ പൂർത്തീകരണത്തിന്റെ അവസാന ഘട്ടത്തിലെത്തിയിക്കുകയാണ്. കേരള സംസ്ഥാന സർക്കാറിന്റെ സഹായത്തോടെയാണ് പദ്ധതി സാക്ഷാത്കരിക്കുന്നത്.