ഉള്ളിയേരി എയുപി സ്കൂൾ കായികമേള നടത്തി
ഗ്രാമപഞ്ചായത്ത് പ്രസിഡണ്ട് സി അജിത ഉദ്ഘാടനം ചെയ്തു
ഉള്ളിയേരി: ഉള്ളിയേരി എ യു പി സ്കൂൾ കായികമേള മിനി സ്റ്റേഡിയത്തിൽ ഗ്രാമപഞ്ചായത്ത് പ്രസിഡണ്ട് സി അജിത ഉദ്ഘാടനം ചെയ്തു. പിടിഎ വൈസ് പ്രസിഡണ്ട് രതീഷ് വിസി അധ്യക്ഷൻ വഹിച്ച ചടങ്ങിൽ എൻ പി ഗിരീഷ്,എൻ കെ സലിം, എം പി ടി എ ചെയർ പേഴ്സൺ സൽമ, സിജിലേഷ്,കെ കെ സുരേന്ദ്രൻ, എന്നിവർ ആശംസകൾ അർപ്പിച്ച് സംസാരിച്ചു.
കുട്ടികളുടെ വർണ്ണാഭമായ മാർച്ച് ഫാസ്റ്റ് നടന്നു. തുടർന്ന് വിവിധ ഇനങ്ങളിലായി 300 ഓളം കുട്ടികൾ മത്സരങ്ങളിൽ പങ്കെടുത്തു. വിജയികൾക്കുള്ള മെഡലുകൾ ഹെഡ്മാസ്റ്റർ പി എം ദിനേശൻ, അനു ലതീഷ്, സല്മ നൗഫൽ, അരുണേന്ദു, അൽഫിയ, സി മണി, നിമിഷ, റഷീദ, ബിജു, കെ വി സുരേഷ്, ശ്രീജിത്ത്, മുഹമ്മദ് ശരീഫ്, എന്നിവർ ചേർന്ന് വിതരണം ചെയ്തു. ഹെഡ്മാസ്റ്റർ പിഎം ദിനേശൻ ചടങ്ങിന് സ്വാഗതവും കൺവീനർ കെ വി ബ്രജേഷ് കുമാർ നന്ദിയും രേഖപ്പെടുത്തി.