കുറ്റ്യാടിയിൽ കെട്ടിടത്തിന് മുകളിൽ കുടുങ്ങിയ യുവാവിനെ അഗ്നിരക്ഷാ സേന രക്ഷപ്പെടുത്തി

കുറ്റ്യാടി: കെട്ടിടത്തിന് മുകളിൽ കുടുങ്ങിയ യുവാവിനെ നാദാപുരം അഗ്നിരക്ഷാ സേന രക്ഷപ്പെടുത്തി. ഇന്ന് പുലർച്ചെ ഒരു മണിക്ക് കുറ്റ്യാടി പാർക്ക് റെസിഡൻസി ഹോട്ടലിന് മുകളിലാണ് സംഭവം. രണ്ടാം ഹോട്ടലിലെ താമസക്കാരനായ അജിത് എന്ന യുവാവാണ് അബദ്ധത്തിൽ മുറിയുടെ ജനവാതിലിന്റെ സ്ലൈഡ് ഡോറിന് പുറത്ത് കുടുങ്ങിയത്.

    ഏറെ നേരം ശ്രമിച്ചിട്ടും അകത്തേക്ക് കടക്കാൻ സാധിക്കാതെ വന്നതോടെ ഹോട്ടലിലുള്ളവർ നാദാപുരം അഗ്നിരക്ഷാസേനയെ വിവരം അറിയിക്കുകയായിരുന്നു. സേന ഉടൻ തന്നെ സ്ഥലത്തെത്തി ലാഡർ ഉപോയഗിച്ച് യുവാവിനെ സുരക്ഷിതമായി താഴെ എത്തിച്ചു.