കിടങ്ങിൽ കുടുങ്ങിയ പശുവിന് രക്ഷകരായി പേരാമ്പ്ര അഗ്നിരക്ഷാസേന

പേരാമ്പ്ര: മൂരികുത്തി നടുക്കണ്ടി താഴെ വയലിൽ കിടങ്ങിൽ കുടുങ്ങിയ പശുവിന് രക്ഷകരായി പേരാമ്പ്ര അഗ്നിരക്ഷാസേന. ഇന്ന് ഉച്ചയോടെയായിരുന്നു സംഭവം. പറച്ചേരിമീത്തൽ ശ്രീജിത്ത് എന്നയാളുടെ പശു വയലിലുള്ള കാനയിൽ കുടുങ്ങി പോവുകയായിരുന്നു. 

     വിവരം ലഭിച്ചതിന് തുടർന്ന് പേരാമ്പ്രയിൽ നിന്നും സീനിയർ ആൻ്റ് റെസ്ക്യൂ ഓഫീസർ കെ.ടി. റഫീക്കിന്റെ നേതൃത്വത്തിൽ എത്തിയ ഫയർ ഫോഴ്സ് യൂണിറ്റ് സുരക്ഷിതമായി പശുവിനെ കരയ്ക്ക് കയറ്റി. കൈകാലുകൾ കുഴഞ്ഞ് കുടുങ്ങിപ്പോയ പശുവിനെ ഏറെ നേരത്തെ ശ്രമത്തിനുശേഷം അഗ്നിരക്ഷാസേനയും നാട്ടുകാരും കൂടിയാണ് പരിക്കുകൾ കൂടാതെ കൂടാതെ കരയ്ക്കു കയറ്റിയത്. 

      നിലയത്തിലെ ഉദ്യോഗസ്ഥരായ ജി.ബി. സനൽരാജ്, എ.കെ. ജിഷാദ്, ബി. അശ്വിൻ, എം. ജയേഷ്, ഹോം ഗാർഡ് അനീഷ് കുമാർ എന്നിവരും രക്ഷാപ്രവർത്തനത്തിൽ പങ്കെടുത്തു.