മുഹമ്മദ് സി അച്ചിയത്തിന്  ഗാനരചയിതാവിനുള്ള സൗത്ത് ഇന്ത്യൻ അവാർഡ്

തിരുവനന്തപുരം :സൗത്ത് ഇന്ത്യൻ സിനിമ ടെലിവിഷൻ അക്കാദമി യുടെ മികച്ച മ്യൂസിക് വീഡിയോ കളുടെ ഗാനരചയിതാവിനുള്ള പ്രത്യേക ജ്യൂറി അവാർഡ് മുഹമ്മദ് സി അച്ചിയത്തിന്. "അകനിലാവ് ",   "ഇഷ്ടവസന്തം"എന്നീ മ്യൂസിക് വീഡിയോ ഗാനങ്ങളുടെ രചനയ്ക്കാണ് അവാർഡ്.

 തിരുവനന്തപുരത്ത് വൈലോപ്പിള്ളി സംസ്കൃതി ഭവനിൽ നടന്ന അവാർഡ് വിതരണ ചടങ്ങിൽ മുൻ ലോകസഭാംഗമായ കെ.മുരളീധരൻ അവാർഡ് സമ്മാനിച്ചു.

  രാമചന്ദ്രൻ കടന്നപ്പള്ളി, എൻ.ശക്തൻ,ഡോ.എൻ.ജയരാജ്, ഗായകൻ ജി. വേണുഗോപാൽ, നിരവധി ചലച്ചിത്ര സംവിധായകർ , തിരക്കഥാകൃത്തുക്കൾ, നടീ നടന്മാർ എന്നിവർ സംബന്ധിച്ചു. ഇതിനകം ഒട്ടേറെ അവാർഡുകൾ കരസ്ഥമാക്കിയ വിദ്യാധരൻ മാസ്റ്റർ സംഗീതം ചെയ്ത് വിദ്യാധരൻ മാസ്റ്ററും ഹരിചന്ദന നടുവണ്ണൂരും പാടി അഭിനയിച്ച"ആശ" എന്ന മ്യൂസിക് വീഡിയോ ഗാനം  രചിച്ചിരിക്കുന്നതും മുഹമ്മദ് സി അച്ചിയത്ത് ആണ്.