കായണ്ണ ഗവ ഹയർസെക്കൻഡറി സ്കൂൾ നാഷണൽ സർവീസ് സ്കീമിന്റെ ആഭിമുഖ്യത്തിൽ ഫിലിം ഫെസ്റ്റ് നാളെ

കായണ്ണ:ലോകോത്തര സിനിമകളും സാമൂഹ്യ സാംസ്കാരിക വിഷയങ്ങൾ പ്രതിപാദിക്കുന്ന മികച്ച ഡോക്യുമെൻററികളും വിദ്യാർത്ഥികളിലേക്കും പൊതുസമൂഹത്തിലേക്കും എത്തിക്കുക എന്ന ലക്ഷ്യത്തോടെ കായണ്ണ ഗവ ഹയർസെക്കൻഡറി സ്കൂൾ നാഷണൽ സർവീസ് സ്കീമിന്റെ ആഭിമുഖ്യത്തിൽ കാഴ്ച ഫിലിം ക്ലബ്ബിൻറെ ഉദ്ഘാടനവും സിനിമാപ്രദർശനവും വെള്ളിയാഴ്ച വൈകിട്ട് 5 30 മുതൽ കായണ്ണ ടൗണിലെ സ്വപ്നനഗരിയിൽ നടക്കും. 

          കായണ്ണ ഗ്രാമപഞ്ചായത്ത് പ്രസിഡണ്ട് സി കെ ശശി ഫിലിം ക്ലബ്ബ് ഉദ്ഘാടനം ചെയ്യും.  ലിറ്റിൽ ടെററിസ്റ്റ്, അൺകൗണ്ടഡ്,പങ്ക്, ഫ്രീ ബേർഡ്സ്, കവി, വിൻഡ് കൈംസ് തുടങ്ങിയ ചലച്ചിത്രങ്ങൾ പ്രദർശിപ്പിക്കും. തുടർന്ന് നടക്കുന്ന ഓപ്പൺ ഫോറത്തിൽ സംവിധായകരായശ്രീലാൽ മണപ്പാലം, ബിജു സീനിയ, തിരക്കഥാകൃത്ത് ശ്രീജീഷ് ചെമ്മരൻ, ചിത്രകാരൻ ലിതേഷ് കരുണാകരൻ തുടങ്ങിയവർ പങ്കെടുക്കും.