എം.ടി വാസുദേവൻ നായരുടെ കോഴിക്കോടുള്ള വീട്ടിൽ മോഷണം

കോഴിക്കോട്: എം.ടി വാസുദേവൻ നായരുടെ കോഴിക്കോട് നടക്കാവുള്ള വീട്ടിൽ മോഷണം നടന്നതായി പരാതി. 26 പവൻ സ്വർണം കവർന്നു. എം.ടിയുടെ ഭാര്യയുടെ പരാതിയിൽ നടക്കാവ് പോലീസ് കേസെടുത്തു.

      സെപ്റ്റംബർ 22നും 30നും ഇടയിൽ മോഷണം നടന്നുവെന്നാണ് കരുതുന്നത്. കഴിഞ്ഞ ദിവസം അലമാര തുറന്ന് പരിശോധിച്ചപ്പോഴാണ് സ്വർണാഭരണങ്ങൾ മോഷണം പോയതായി അറിയുന്നത്. നിലവിൽ സിസിടിവി കേന്ദ്രീകരിച്ച് പൊലീസ് അന്വേഷിച്ചുവരികയാണ് .