ചേമഞ്ചേരിയിൽ മധ്യവയസ്കൻ ട്രെയിൻ തട്ടി മരിച്ച നിലയിൽ

കൊയിലാണ്ടി: ചേമഞ്ചേരി റെയിൽവേ സ്റ്റേഷന് സമീപം മധ്യവയസ്കൻ ട്രെയിൻ തട്ടി മരിച്ച നിലയിൽ. 

    ഇന്ന് വൈകുന്നേരം 3.30ഓടെ ചേമഞ്ചേരി റെയിൽവേ സ്റ്റേഷനിൽ നിന്നും അല്പം വടക്കായി റെയിൽവേ ട്രാക്കിലാണ് മൃതദേഹം കണ്ടത്. ചെന്നൈയിൽ നിന്നും മംഗലാപുരത്തേക്ക് പോകുന്ന എന്മോറാണ് തട്ടിയത്.

    കൊയിലാണ്ടിയിൽ നിന്നും പൊലീസ് സ്ഥലത്തെത്തി. മൃതദേഹം താലൂക്ക് ആശുപത്രിയിലേക്ക് കൊണ്ടുപോയി. മൃതദേഹം തിരിച്ചറിയാൻ പറ്റാത്ത നിലയിലാണുള്ളത്. ചേമഞ്ചേരി സ്വദേശിയാണെന്നാണ് സംശയിക്കുന്നത്.