വിഷം കഴിച്ച് യൂത്ത് കോൺഗ്രസ് നേതാവ് വടകര പൊലീസ് സ്റ്റേഷനിൽ
യുവാവിനെ പൊലീസ് ആശുപത്രിയിൽ പ്രവേശിപ്പിച്ചു
വടകര: വിഷം കഴിച്ച് യൂത്ത് കോൺഗ്രസ് നേതാവ് വടകര പൊലീസ് സ്റ്റേഷനിൽ. യൂത്ത് കോൺഗ്രസ് എടച്ചേരി മണ്ഡലം പ്രസിഡൻ്റ് അർജുൻ ശ്യാമാണ് അവശനിലയിൽ സ്റ്റേഷനിലെത്തിയത്. പൊലീസ് ഇദ്ദേഹത്തെ ആശുപത്രിയിൽ പ്രവേശിപ്പിച്ചു.
ബുധനാഴ്ച ഉച്ചയ്ക്കാണ് വിഷം കഴിച്ചതെന്നാണ് ഇയാൾ പൊലീസിനോട് പറഞ്ഞത്. തുടർന്ന് വടകരയിലെ യൂത്ത് കോൺഗ്രസ് നേതാക്കളെ വിളിച്ചു വരുത്തിയ ശേഷം പൊലീസ് ഇദ്ദേഹത്തെ ആശുപത്രിയിൽ പ്രവേശിപ്പിക്കുകയായിരുന്നു.
തൻ്റെ വ്യക്തിപരമായ പ്രശ്നങ്ങൾ കാരണമാണ് വിഷം കഴിച്ച് ആത്മഹത്യയ്ക്ക് ശ്രമിച്ചതെന്നാണ് യുവാവ് പറഞ്ഞതെന്ന് പൊലീസ് അറിയിച്ചു. ആരോഗ്യസ്ഥിതി ഗുരുതരമായതിനാൽ ഇദ്ദേഹത്തെ കോഴിക്കോട്ടെ ആശുപത്രിയിൽ പ്രവേശിപ്പിച്ചു.