വയനാട്ടിൽ കാട്ടാനയിറങ്ങി; കഴുത്തിൽ റേഡിയോ കോളര് ഘടിപ്പിച്ച ആന ഭീതി പടർത്തുന്നു
കര്ണാടകയില് നിന്ന് റേഡിയോ കോളര് ഘടിപ്പിച്ചു വിട്ട ആനയാണെന്നാണ് വിവരം
വയനാട് : വയനാട്ടിൽ ജനവാസ മേഖലയില് കാട്ടാനയിറങ്ങി. കഴുത്തില് റേഡിയോ കോളര് ഘടിപ്പിച്ച ആനയാണ് എടവക പായോട് ജനവാസ മേഖലയില് എത്തിയത്. ക്ഷീര കര്ഷകരാണ് ആനയെ കണ്ടത്. വനമില്ലാത്ത പഞ്ചായത്തിലാണ് ആനയെത്തിയത്. വനംവകുപ്പ് ഉദ്യോഗസ്ഥര് സ്ഥലത്തെത്തി.
കര്ണാടകയില് നിന്ന് റേഡിയോ കോളര് ഘടിപ്പിച്ചു വിട്ട ആനയാണെന്നാണ് വിവരം. കാട്ടാനെയ വനത്തിലേക്ക് മാറ്റാനുള്ള ശ്രമം ആരംഭിച്ചു. ജനവാസമേഖലയിലെത്തിയ ആന മാനന്തവാടിയിലേക്ക് നീങ്ങുകയാണ്. നാഗര്ഹോള ദേശീയ ഉദ്യാനത്തില് ഉള്ള ആനയാണെന്നാണ് വിവരം.
തലപ്പുഴ ഭാഗത്ത് നിന്നാണ് ആന എടവക പഞ്ചായത്തിന്റെ ഭാഗങ്ങളിലേക്ക് എത്തിയന്നാണ് നിഗമനം. കെഎസ്ആര്ടിസി ഡിപ്പോക്ക് സമീപത്തേക്കാണ് നീങ്ങുന്നത്. ജനങ്ങള്ക്ക് ജാഗ്രതാ നിര്ദ്ദേശം നല്കി.