വാക്ക് പാലിച്ചു കെ. ബി ഗണേഷ് കുമാർ എം . എൽ. എ; അര്‍ജുന് വീട് വച്ച് നല്‍കി

പത്തനാപുരം: . പത്തനാപുരം സ്വദേശിയായ അർജുനും അമ്മയ്ക്കും വീട് വച്ചുകൊടുക്കുമെന്ന് മാസങ്ങൾക്ക് മുമ്പാണ് കെ. ബി ഗണേഷ് കുമാർ എം . എൽ. എ വാക്ക് നൽകിയത്. വീടിന്‍റെ ഗൃഹപ്രവേശം കഴിഞ്ഞ ദിവസമായിരുന്നു. ഗണേഷ് കുമാറും സമീപവാസികളും ചടങ്ങില്‍ പങ്കെടുത്തു.ഗണേഷ് കുമാർ തന്റെ ഫേസ്ബുക്ക് പേജിലൂടെയാണ് സന്തോഷ വാർത്ത അറിയിച്ചത്.

   അര്‍ജുന്‍ തന്നെയാണ് നിലവിളക്കുമായി വീടിനുള്ളിലേക്ക് കയറിയത്. അര്‍ജുന്‍റെ സ്വപ്നം യാഥാര്‍ഥ്യമാക്കാന്‍ സാധിച്ചതില്‍ സന്തോഷമുണ്ടെന്നും വീടിന്‍റെ നിര്‍മാണത്തില്‍ ഒപ്പം നിന്ന എല്ലാവര്‍ക്കും നന്ദിയുണ്ടെന്നും ഗണേഷ് കുമാര്‍ പറഞ്ഞു.

    വീടിനൊപ്പം ഫ്രിഡ്ജ്, അലമാര,വസ്ത്രങ്ങൾ അടക്കമുള്ളവയും വാങ്ങി നൽകി.കൂടാതെ പച്ചക്കറിയടക്കം എല്ലാ സാധനങ്ങളും വീട്ടിലൊരുക്കിയിട്ടുണ്ട്.ഭാര്യ ബിന്ദു, ഹരി പത്തനാപുരം അടക്കമുള്ളവർ വീടിന്റെ പാലുകാച്ചലിന് ഗണേഷ് കുമാറിന് ഒപ്പമുണ്ടായിരുന്നു.