ഓടിക്കൊണ്ടിരുന്ന ട്രെയിനിന്റെ ബോഗി വേർപെട്ടു
ഇന്ന് രാവിലെ ഏഴു മണിയോടെ കാസർകോട് ചന്തേര റെയിൽവേ സ്റ്റേഷനിലാണ് സംഭവം
കാസർകോഡ്: ഓടിക്കൊണ്ടിരുന്ന ഗുഡ്സ് ട്രെയിനിന്റെ എൻജിൻ ബോഗിയിൽ നിന്നും വേർപെട്ടു. ഏറെ ദൂരം ഓടിയശേഷമാണ് ലോകോ പൈലറ്റ് ഇക്കാര്യം ശ്രദ്ധിക്കുന്നത്. ഉടൻ തന്നെ ട്രെയിൻ നിർത്തി തിരിച്ചു വരികയായിരുന്നു. ഇന്ന് രാവിലെ ഏഴു മണിയോടെ കാസർകോട് ചന്തേര റെയിൽവേ സ്റ്റേഷനിൽ എത്തിയപ്പോഴാണ് സംഭവം.
പാലക്കാടേക്ക് പോവുകയായിരുന്ന ഗുഡ്സ് ട്രെയിനിന്റെ പത്തോളം ബോഗികൾ വേർപെടുകയായിരുന്നു. ഇത് തിരിച്ചറിഞ്ഞ ലോക്കോ പൈലറ്റ് അധികൃതരെ വിവരം അറിയിച്ചു. ട്രെയിൻ അമിത വേഗതയിൽ അല്ലാത്തതിനാൽ ബോഗികൾ പാളം തെറ്റിവലിയ അപകടമില്ലാതെ രക്ഷപ്പെട്ടു