കല്പത്തൂരില്‍ റബര്‍ പുകപ്പുരയും റബര്‍ഷീറ്റും കത്തിനശിച്ചു
പേരാമ്പ്ര അഗ്നിശമന സേന സ്ഥലത്തെത്തി തീയണച്ചു
NDR News
23 Jan 2023 07:06 PMനൊച്ചാട്: റബര്‍ പുകപുരയും റബര്‍ഷീറ്റും തീപ്പിടിത്തത്തിൽ നശിച്ചു. നൊച്ചാട് ഗ്രാമപഞ്ചായത്തിലെ കല്പത്തൂരില്‍ തേക്കുമ്മല്‍ രാഘവന്‍ മാസ്റ്ററുടെ റബര്‍തോട്ടത്തിലെ പുകപ്പുരയാണ് കത്തിനശിച്ചത്. റബ്ബർ ഉണക്കാനായി പുകയിട്ടതില്‍ നിന്നും തീ പടരുകയായിരുന്നു.
അസി. സ്റ്റേഷന്‍ ഓഫീസ്സര്‍മാരായ കെ. പ്രദീപന്‍, പി.സി. പ്രേമന്‍ എന്നിവരുടെ നേതൃത്വത്തില്‍ രണ്ട് യൂണിറ്റ് സ്ഥലത്തെത്തി തീ അണച്ചു. റബര്‍ത്തോട്ടത്തിലെ പുകപ്പുരയില്‍ നിന്നും തോട്ടത്തിലേക്കും സമീപത്തെ വീട്ടിലേക്കും തീ പടരുന്നത് തടയാന്‍ കഴിഞ്ഞത് വൻ അപകടം ഒഴിവാക്കി.
പേരാമ്പ്ര അഗ്നിരക്ഷാനിലയത്തിലെ ഫയര്‍ ആൻ്റ് റെസ്ക്യൂ ഓഫീസ്സര്‍മാരായ എ. ഷിജിത്ത്, പി.ആര്‍. സോജു, പി.കെ. സിജീഷ്, എ.കെ. ഷിഗിന്‍ചന്ദ്രന്‍, കെ.പി. വിപിന്‍, എം.ജി. അശ്വിന്‍ ഗോവിന്ദ്, വി.കെ. ഷൈജു, കെ. അജേഷ്, ഹോംഗാര്‍ഡ് പി. മുരളീധരന്‍ എന്നിവര്‍ അഗ്നി പ്രതിരോധ പ്രവര്‍ത്തനങ്ങളില്‍ പങ്കാളികളായി.
