രാജ്യത്ത് 11,793 പേർക്ക് കോവിഡ്
ഇരുപത്തിനാല് മണിക്കൂറിനിടെ 27 കോവിഡ് മരണം
ഡൽഹി: രാജ്യത്ത് 24 മണിക്കൂറിനിടെ 11,793 പേർക്ക് കോവിഡ് സ്ഥിരീകരിച്ചു. 27 കോവിഡ് മരണങ്ങളും റിപ്പോർട്ട് ചെയ്തു. ഇതോടെ കോവിഡ് ബാധിച്ച് മരിച്ചവരുടെ എണ്ണം 5,25,047 ആയി. പ്രതിദിനിന രോഗസ്ഥിരീകരണ നിരക്ക് 2.49 ശതമാനമാണ്. പ്രതിവാര രോഗസ്ഥിരീകരണ നിരക്ക് 3.36 ശതമാനവുമാണ്.
96,700 പേരാണ് നിലവിൽ ചികിത്സയിലുള്ളത്. 9,486 പേരാണ് കഴിഞ്ഞ ദിവസം രോഗമുക്തരായത്. 98.57 ശതമാനമാണ് രോഗമുക്തി നിരക്ക്. കഴിഞ്ഞദിവസം 17,073 പേർക്കാണ് കോവിഡ് സ്ഥിരീകരിച്ചത്.