ഇരുട്ടടിയായി ഇന്ധനവില; ഇന്നും വർധനവ്

കോഴിക്കോട്: രാജ്യത്ത് ഇന്ധന വില കുതിച്ചുയരുന്നു. അഞ്ച് സംസ്ഥാനങ്ങളിലെ തിരഞ്ഞെടുപ്പിന് ശേഷം പതിവ് തെറ്റിക്കാതെ ഇന്നും ഇന്ധന വില കൂട്ടി. 

      പെട്രോള്‍ ലിറ്ററിന് 87 പൈസയും ഡീസലിന് 84 പൈസയുമാണ് ഇന്നത്തെ വർദ്ധന. ഇതോടെ കൊച്ചിയില്‍ ഡീസലിന് 100 രൂപ 88 പൈസയും പെട്രോളിന് 114 രൂപ 33 പൈസയുമായി.

       രാജ്യത്ത് ഇക്കഴിഞ്ഞ 12 ദിവസത്തിനുള്ളിൽ പെട്രോളിന് മാത്രം 10 രൂപ 3 പൈസയുടെ വർധനവാണ് ഉണ്ടായത്. അതേസമയം, ഡീസലിന് 9 രൂപ 69 പൈസയും കൂടി. കഴിഞ്ഞ ദിവസം പെട്രോളിന് 45ഉം ഡീസലിന് 43ഉം പൈസ കൂടിയിരുന്നു.