റമദാന് മുന്നോടിയായി 1025 തടവുകാരെ മോചിപ്പിക്കും; ഉത്തരവുമായി യു എ ഇ
ശിക്ഷ കാലയളവില്‍ നല്ല പെരുമാറ്റം കാഴ്ചവച്ച തടവുകാർക്കാണ് മോചനം.
NDR News
21 Mar 2023 03:37 PMയു എ ഇ : യു എ ഇയില്‍ റമദാന് മുന്നോടിയായി തടവുകാര്‍ക്ക് മോചനം. 1025 തടവുകാരെ മോചിപ്പിക്കാനാണ് യു എ ഇ പ്രസിഡന്റ് ഷെയ്ഖ് മുഹമ്മദ് ബിന്‍ സായിദ് അല്‍ നഹ്യാൻ ഉത്തരവിട്ടത്. ശിക്ഷ കാലയളവില്‍ നല്ല പെരുമാറ്റം കാഴ്ചവച്ച തടവുകാർക്കാണ് യു എ ഇ പ്രസിഡന്റ് ഈ ഉത്തരവിലൂടെ മോചനം നൽകുന്നത്.
ഇങ്ങനെ മോചിതരാകുന്ന തടവുകാരുടെ സാമ്പത്തികബാധ്യതകള്‍ പരിഹരിക്കാമെന്ന് അദ്ദേഹം ഉറപ്പുനല്‍കി. മോചിതരാകുന്നവര്‍ക്ക് അവരുടെ ജീവിതത്തിന്റെ പുതിയ അധ്യായം ആരംഭിക്കാനുള്ള അവസരംനല്‍കുകയാണ് യു എ ഇ ഇതിലൂടെ ലക്ഷ്യമിടുന്നതെന്ന് അധികൃതര്‍ വ്യക്തമാക്കുന്നു.
യു.എ.ഇ ഭരണാധികാരികളുടെ ക്ഷമ, സഹിഷ്ണുത എന്നീ മൂല്യങ്ങളെ അടിസ്ഥാനമാക്കിയുള്ള മാനുഷികപരിഗണനയുടെ ഭാഗമായാണ് നടപടി. ചില സുപ്രധാന ആഘോഷങ്ങളുമായി ബന്ധപ്പെട്ട് തടവുകാരെ മോചിപ്പിക്കുന്നത് യുഎഇയില്‍ കാലങ്ങളായി തുടര്‍ന്നുവരുന്ന ഒരു രീതിയാണ്.
