അബുദാബിയിൽ നിയമം തെറ്റിക്കാതെ വാഹനമോടിച്ചാല്‍ എക്‌സ്‌പോ ടിക്കറ്റ് ഫ്രീ

അബുദാബി: നിയമം തെറ്റിക്കാതെ വാഹനം ഓടിക്കുന്ന മികച്ച ഡ്രൈവർമാർക്ക് അബുദാബി പോലീസ് ഹാപ്പിനസ് പട്രോളിങ് വിഭാഗം എക്സ്പോ പാസ്പോർട്ട് സമ്മാനിക്കുന്നു. എക്സ്പോയോടനുബന്ധിച്ച് ദുബായിൽ ഗതാഗത നിയമങ്ങൾ പാലിച്ചുകൊണ്ട് മാതൃകാപരമായ ഡ്രൈവിംഗ് കാഴ്ച വെക്കുന്നവരെ ആദരിക്കുന്ന പദ്ധതി പ്രകാരമാണിത്.

          വാഹനമോടിക്കുന്നവർ നിയമം കൃത്യമായി പാലിക്കാൻ തയ്യാറാകണം. അമിതവേഗവും വാഹനങ്ങൾക്കിടയിൽ ആവശ്യമായ അകലം പാലിക്കാത്തതും അശ്രദ്ധയുമാണ് നിരത്തുകളിലെ അപകടങ്ങളിൽ പ്രധാന കാരണമാകാറുള്ളത്. ലോകത്തിലെ ഏറ്റവും മികച്ച ഗതാഗത സംവിധാനമാണ് യു.എ.ഇ.യിൽ നിലവിലുള്ളതെന്നും പോലീസ് പറഞ്ഞു.

        എക്സ്പോയുടെ ഭാഗമായി സമഗ്ര ഗതാഗത സംവിധാനമാണ് നടപ്പാക്കുന്നതെന്നും പോലീസ് അറിയിച്ചു. യു.എ.ഇ.യിൽ നടക്കുന്ന ലോകമേളയായ എക്സ്പോയുടെ ഭാഗമായി പോലീസ് നടപ്പാക്കിയ ക്ഷേമപദ്ധതിയോട്  ഡ്രൈവർമാർക്കും പൊതുജനങ്ങൾക്കും നല്ല പ്രതികരണമാണ്.