യുവമോർച്ച പ്രാദേശിക നേതാവിനെ ബിജെപി മണ്ഡലം സെക്രട്ടറി വെട്ടിപ്പരിക്കേൽപ്പിച്ചു

തൃശൂർ : കൊടകരയിൽ യുവമോർച്ച പ്രാദേശിക നേതാവിനെ ബിജെപി മണ്ഡലം സെക്രട്ടറി വെട്ടി പരിക്കേൽപ്പിച്ചു. യുവമോർച്ച നേതാവ് അക്ഷയിനെയാണ് ചാലക്കുടി മണ്ഡലം സെക്രട്ടറി ടി സി സിദ്ധൻ വെട്ടി പരിക്കേൽപ്പിച്ചത്.സുഹൃത്തിന്റെ വീട്ടിൽ നിന്നും സ്വന്തം വീട്ടിലേക്ക് പോകുന്ന വഴിയാണ് അക്ഷയ്ക്ക് വെട്ടേറ്റത്. മുതുകിനു വെട്ടിയ ശേഷം കഴുത്തിനു വെട്ടാൻ ശ്രമിച്ചെങ്കിലും അക്ഷയ് കൈകൊണ്ട് തടുക്കുകയായിരുന്നു.

    നിരവധി വെട്ടേറ്റ അക്ഷയിനെ സിദ്ധന്റെ സുഹൃത്തുക്കൾ തന്നെയാണ് അപകടം പറ്റിയതെന്ന് പറഞ്ഞ് ആശുപത്രിയിൽ എത്തിച്ചത്. രാത്രിയാണ് സംഭവം പ്രതിയായ സിദ്ധൻ്റെ ഭാര്യ ബന്ധുവിന്റെ ക്രഷർ യൂണിറ്റിനെതിരെ നിലപാടെടുത്തതിനാണ് അക്ഷയെ വെട്ടി പരിക്കേൽപ്പിച്ചതെന്ന് പറയപ്പെടുന്നു.