കീഴരിയൂർ മണ്ഡലം കോൺഗ്രസ് കമ്മിറ്റി ജന്മദിന സന്ദേശ യാത്ര നടത്തി

മേപ്പയൂർ: കീഴരിയൂർ മണ്ഡലം കോൺഗ്രസ് കമ്മിറ്റിയുടെ ആഭിമുഖ്യത്തിൽ ജന്മദിന സന്ദേശ യാത്ര നടത്തി. കീഴരിയൂർ സെൻ്ററിൽ നിന്ന് ആരംഭിച്ച യാത്ര നടുവത്തൂരിൽ സമാപിച്ചു. ജന്മദിന കേക്ക് മുറിച്ച് പ്രവർത്തകർ ആഹ്ലാദം പങ്കുവെച്ചു.

      മണ്ഡലം കോൺഗ്രസ് പ്രസിഡൻ്റ് ഇടത്തിൽ ശിവൻ, ഡി.സി.സി. ജനറൽ സെക്രട്ടറി രാജേഷ് കീഴരിയൂർ, ബ്ലോക്ക് കോൺഗ്രസ് ഭാരവാഹികളായ ടി.കെ. ഗോപാലൻ, ഇടത്തിൽ രാമചന്ദ്രൻ, ജി.പി. പ്രീജിത്ത്, കെ.കെ. ദാസൻ, കെ.വി. രജിത, മുൻ ബ്ലോക്ക് ഭാരവാഹികളായ ചുക്കോത്ത് ബാലൻ, ബി. ഉണ്ണികൃഷ്ണൻ, മണ്ഡലം ഭാരവാഹികളായ ഒ.കെ. കുമാരൻ, പി.കെ. ഗോവിന്ദൻ, കെ.എം. വേലായുധൻ, പഞ്ചായത്തംഗം കെ. ജലജ, സിറ്റാഡിൽ സുലോചന, ടി.കെ. ഷിനിൽ തുടങ്ങിയവർ നേതൃത്വം നൽകി.