ചാലിക്കരയിൽ ശാഖ വനിതാലീഗ് അനുമോദന യോഗവും മയ്യത്ത് പരിപാലന ക്ലാസും സംഘടിപ്പിച്ചു

പേരാമ്പ്ര: ശാഖ വനിതാലീഗ് ചാലിക്കരയിൽ സംഘടിപ്പിച്ച ഓൾ ഇന്ത്യാ മെഡിക്കൽ എൻട്രൻസിൽ ഉന്നത വിജയം നേടിയ വിദ്യാർത്ഥികൾക്കുള്ള അനുമോദനവും മയ്യത്ത് പരിപാലന പ്രാക്ടിക്കൽ ക്ലാസും ടി.കെ. ഇബ്രാഹിം ഉദ്ഘാടനം ചെയ്തു. 

       മെഡിക്കൽ എൻട്രൻസിൽ ഉന്നതവിജയം നേടിയ വിദ്യാർത്ഥികൾക്കുള്ള സ്നേഹോപഹാരം നൂർ ബീന ഹബീബിന് വനിതാലീഗ് നേതാവ് കൂത്താളി ഗ്രാമപഞ്ചായത്ത് വാർഡ് മെമ്പർ ആയിശ സമ്മാനിച്ചു. ചടങ്ങിൽ സലീന വി.എം. അധ്യക്ഷത വഹിച്ചു. റുഖിയ കുന്നത്ത് സ്വാഗതം പറഞ്ഞു.

       ചടങ്ങിൽ സ്ത്രീകൾക്കായി മയ്യത്ത് പരിപാലന പ്രാക്റ്റിക്കൽ ക്ലാസ് ആയിഷ നയിച്ചു. കുഞ്ഞയിഷ, ഫൗസിയ, നസല പി., നഫീസ എസ്.കെ., ഇബ്രാഹിം പി.കെ., അസ്സയിനാർ എസ്.കെ., അബ്ദു റഹിമാൻ സി., നാസർ പി.കെ.കെ., അബൂബക്കർ കെ. തുടങ്ങിയവർ പ്രസംഗിച്ചു.