കോടിയേരി ബാലകൃഷ്ണൻ മന്ദിരത്തിന്റെ പ്രവൃത്തി ഉദ്ഘാടനം നാളെ

പേരാമ്പ്ര: സി.പി.ഐ.എം പേരാമ്പ്ര ഏരിയാ കമ്മിറ്റി ഓഫീസിനു വേണ്ടി നിർമ്മിക്കുന്ന കോടിയേരി ബാലകൃഷ്ണൻ മന്ദിരത്തിന്റെ പ്രവൃത്തി ഉദ്ഘാടനം ഒക്ടോബർ 20 വ്യാഴാഴ്ച രാവിലെ 10.30ന് സി.പി.ഐ.എം സംസ്ഥാന സെക്രട്ടറിയേറ്റ് അംഗം ടി. പി. രാമകൃഷ്ണൻ എംഎൽഎ നിർവ്വഹിക്കും.

        സി.പി.ഐ.എം ജില്ലാ സെക്രട്ടറി പി. മോഹനൻ ചടങ്ങിൽ അധ്യക്ഷത വഹിക്കും. പേരാമ്പ്രയുടെ സാമൂഹിക സാംസ്കാരിക രാഷ്ട്രീയ പൊതുമണ്ഡലങ്ങളിൽ നിർണായക സ്വാധീനമുള്ള വിപ്ലവപ്രസ്ഥാനത്തിന് സംസ്ഥാന സെക്രട്ടറിയും പോളിറ്റ് ബ്യൂറോ അംഗവുമായിരുന്ന കോടിയേരി ബാലകൃഷ്ണന്റെ നാമധേയത്തിലുയരുന്ന ഓഫീസ് സമുച്ചയം രാഷ്ട്രീയഭേദമന്യേ മുഴുവൻ ജനവിഭാഗങ്ങളുടെയും ആശ്രയകേന്ദ്രമായി പ്രവർത്തിക്കണമെന്നാണ് ആഗ്രഹിക്കുന്നതെന്ന് ടി പി രാമകൃഷ്ണൻ എംഎൽഎ അറിയിച്ചു.

        സിപിഐഎം പേരാമ്പ്ര ഏരിയാ കമ്മിറ്റി സെക്രട്ടറി എം. കുഞ്ഞമ്മദ് സ്വാഗതം പറയും. ചടങ്ങിൽ സിപിഐഎം ജില്ലാ കമ്മിറ്റി അംഗങ്ങളായ കെ.കുഞ്ഞമ്മദ്, എ. കെ. ബാലൻ, എസ്. കെ. സജീഷ്, എ. കെ. പത്മനാഭൻ, എൻ. കെ. രാധ, എം. കെ. നളിനി, സ്വാഗതസംഘം കൺവീനർ ടി. കെ. ലോഹിതാക്ഷൻ തുടങ്ങിയവർ സംസാരിക്കും.