280 അംഗ കെ പി സി സി സമിതിക്ക് ഹൈക്കമന്റ് അംഗീകാരം നല്കി

തിരുവനന്തപുരം: കെപിസിസി അംഗ പട്ടികയ്ക്ക് ഹൈക്കമാൻഡ് അംഗീകാരം നല്കി. 280 അംഗ കെപിസിസി സമിതിക്കാണ് ഹൈക്കമാന്റിന്റെ അംഗീകാരം ലഭിച്ചിരിക്കുന്നത്. . നേരത്തെ അയച്ച പട്ടിക പരാതിമൂലം ഹൈക്കമാൻഡ് തള്ളിയിരുന്നു.ഇതു സംബന്ധിച്ച് ഔദ്യോഗിക പ്രഖ്യാപനം ഉടനുണ്ടാകും കൂടുതൽ പുതുമുഖങ്ങളെ ഉൾപ്പെടുത്തി അയച്ച പട്ടികയ്ക്കാണ് ഇപ്പോൾ അംഗീകാരം ലഭിച്ചത്.കോൺഗ്രസ് അധ്യക്ഷനെ തിരഞ്ഞെടുക്കാൻ വോട്ടവകാശം ഉള്ളത് പട്ടികയിലുള്ള 280 പേർക്കാണ്.

       എഴുപത്തഞ്ചോളം പുതുമുഖങ്ങൾ പട്ടിയകയി ലുണ്ടായേക്കുമെന്നാണ് സൂചന. പരാതികൾ പരിഹരിച്ച് ഗ്രൂപ്പുകൾക്കിടയിൽ ധാരണയാക്കിയിട്ടാണ് വീണ്ടും പട്ടിക അയച്ചത്. ഇതിൽ വിശദമായ പരിശോധന നടത്തിയ ശേഷമാണ് ഹൈക്കമാൻഡ് അംഗീകാരം നൽകുകയും കെപിസിസി പ്രസിഡന്റിന് അയച്ചു കൊടുക്കുകയും ചെയ്തത്.