കായണ്ണ : കായണ്ണയിലെ പ്രമുഖ കോൺഗ്രസ് നേതാവും തൊഴിലാളി പ്രസ്ഥാനങ്ങളുടെ അമരക്കാരനും ആയിരുന്ന നമ്പ്രത്തുമ്മൽ കുഞ്ഞിക്കണ്ണൻ (70) നിര്യാതനായി. യൂത്ത് കോൺഗ്രസ് മണ്ഡലം സെക്രട്ടറി, ഡി കെ ഡി എഫ് മണ്ഡലം പ്രസിഡണ്ട്, വ്യാപാരി വ്യവസായി ഏകോപന സമിതി കായണ്ണ പഞ്ചായത്ത്പ്രസിഡണ്ട്, കെട്ടിട തൊഴിലാളി നിർമ്മാണ കോൺഗ്രസ് ജില്ലാ കമ്മിറ്റി മെമ്പർ, ഐഎൻടിയുസി പഞ്ചായത്ത് ഭാരവാഹി എന്നീ പദവികൾ വഹിച്ചിട്ടുണ്ട്. പരേതനായ നമ്പ്രത്തുമ്മൽ ചെക്കിണിയുടെയും നാരായണിയുടെയും മകനാണ്. ഭാര്യ: ചന്ദ്രിക, മക്കൾ: ഷൈജു (എക്സൈസ് പ്രിവന്റ്റ്റീവ് ഓഫീസർ ചേളന്നൂർ), ഷൈജി. മരുമക്കൾ : ശ്രുതി (അധ്യാപിക നരയംകുളം എ യു പി സ്കൂൾ), വിനോദൻ (നടുക്കണ്ടി പാറ). സഹോദരങ്ങൾ: ദേവി, ചന്ദ്രൻ, ശശി, ഗീത, കരുണാകരൻ. സംസ്കാരം ഇന്ന് പകൽ 12 മണിക്ക് വീട്ടുവളപ്പിൽ.
