അരിക്കുളം പഞ്ചായത്ത് ദേശീയ സാംസ്കാരിക ഉത്സവം ദൃശ്യം 2025 മെയ് 4 മുതൽ

അരിക്കുളം: അരിക്കുളം പഞ്ചായത്ത് ദേശീയ സാംസ്കാരിക ഉത്സവം ദൃശ്യം 2025 മെയ് 4 മുതൽ 8 വരെ കാളിയത്ത് മുക്കിൽ നടത്തപ്പെടും. സംഘാടക സമിതി രൂപീകരണ യോഗം മുൻ കോഴിക്കോട് മേയർ ടി.പി. ദാസൻ ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡൻ്റ് എ.എം. സുഗതൻ അദ്ധ്യക്ഷത വഹിച്ചു. 

      കെ കെ. നാരായണൻ, എ.സി. ബാലകൃഷ്ണൻ, ടി. താജുദ്ദീൻ, ടി. സുരേഷ് വി.എം. ഉണ്ണി, ശ്രീകുമാർ കൂനറ്റാട്ട്, പ്രദീപൻ കണ്ണമ്പത്ത് എന്നിവർ സംസാരിച്ചു. എ.എം. സുഗതൻ ചെയർമാനും ഒ.കെ. ബാബു കൺവീനറുമായി 501 അംഗ കമ്മിറ്റി രൂപീകരിച്ചു. കെ.പി. രജനി സ്വാഗതവും നജീഷ് കുമാർ നന്ദിയും പറഞ്ഞു.