മേപ്പയൂരിൽ എ.വി. അനുസ്മരണവും 'സാമകാലീന ഇന്ത്യ' പ്രഭാഷണവും നവംബർ 21ന്

മേപ്പയൂർ: മേപ്പയൂർ സലഫിയ്യ അസോസിയേഷനു കീഴിലുള്ള എ.വി. ചെയറിന്റെ നേതൃത്വത്തിൽ 2024 നവംബർ 21 വ്യാഴാഴ്ച രാവിലെ 10 മണിക്ക് മേപ്പയൂർ സലഫി ക്യാമ്പസിൽ വച്ച് എ.വി. അനുസ്മരണവും 'സാമകാലീന ഇന്ത്യ' പ്രഭാഷണ പരമ്പരയിലെ നാലാമത് പ്രഭാഷണവും നടക്കുമെന്ന് ഭാരവാഹികൾ പത്രസമ്മേളനത്തിൽ അറിയിച്ചു. പേരാമ്പ്ര നിയോജക മണ്ഡലം എം.എൽ.എ. ടി.പി. രാമകൃഷ്ണൻ പരിപാടിയുടെ ഉദ്ഘാടനം നിർവഹിക്കും. 

     സലഫിയ്യ അസോസിയേഷൻ പ്രസിഡൻ്റ് ഡോ. ഹൂസൈൻ മടവൂരിന്റെ അദ്ധ്യക്ഷത വഹിക്കും. ചടങ്ങിൽ സംസ്ഥാന ആസൂത്രണ ബോർഡ് മുൻ അംഗം സി.പി. ജോൺ 'ഇന്ത്യയിൽ മതേതരത്വം അവശേഷിക്കുമോ?' എന്ന വിഷയത്തിൽ പ്രഭാഷണം നടത്തും. മേപ്പയൂർ ഗ്രാമപഞ്ചായത്ത് പ്രസിഡന്റ് കെ.ടി. രാജൻ, സലഫിയ്യ അസോസിയേഷനു കീഴിലെ സ്ഥാപനങ്ങളിലെ വിവിധ മേഖലകളിൽ കഴിവ് തെളിയിച്ച വിദ്യാർത്ഥികളെ ആദരിക്കും. സലഫിയ്യ അസോസിയേഷനു കീഴിലെ വിദ്യാഭ്യാസ സ്ഥാപനങ്ങളുടെ കൂട്ടായ്മയാണ് എ.വി. ചെയർ.

     പത്രസമ്മേളനത്തിൽ സലഫിയ്യ അസോസിയേഷൻ ജനറൽ സെക്രട്ടറി എ.വി. അബ്ദുള്ള, ട്രഷറർ കായലാട്ട് അബ്ദുറഹിമാൻ, സെക്രട്ടറി എ.പി. അസീസ്, കൺവീനർ അജയ് ആവള, എ.വി. ചെയർ ചെയർമാൻ അബ്ദുൽസലാം എ.എം. എന്നിവർ പത്രസമ്മേളനത്തിൽ പങ്കെടുത്തു.