പേരാമ്പ്ര ഉപജില്ലാ കലോത്സവം; ഓട്ടോസ്റ്റാൻ്റ് ശുചീകരണവുമായി തൊഴിലാളികൾ

നൊച്ചാട്: നവംബർ 11 മുതൽ 14 വരെ നൊച്ചാട് ഹയർ സെക്കൻ്ററി സ്കൂളിൽ വച്ച് നടക്കുന്ന പേരാമ്പ്ര ഉപജില്ലാ കലോത്സവത്തിൻ്റെ ഭാഗമായി വെള്ളിയൂരിലെ ഓട്ടോസ്റ്റാൻ്റ് തൊഴിലാളികളുടെ നേതൃത്വത്തിൽ ശുചീകരിച്ചു. ഓട്ടോ കോ - ഓഡിനേഷൻ കൺവീനർ കെ.കെ. കബീർ, പി.കെ. മഹേഷ്, ഇമ്പിച്ചി മൊയ്തി, അനീഷ് പി.എം., സംഗീത് വി.പി., ഉണ്ണി എന്നിവർ നേതൃത്വം നൽകി.

      ഉപജില്ലയിലെ 85 സ്കൂളുകളിൽ നിന്നുമായി ആറായിരത്തോളം കലാപ്രതിഭകൾ പരിപാടിയിൽ മാറ്റുരയ്ക്കും. നൊച്ചാട് എച്ച്.എസ്.എസ്., വെള്ളിയൂർ എ.യു.പി. സ്കൂൾ, ശറഫുൽ ഇസ്ലാം മദ്രസ്സ എന്നിവിടങ്ങളിലാണ് പരിപാടിയ്ക്ക് വേദിയൊരുങ്ങുക. വെള്ളിയൂർ സുബ്രഹ്മണ്യക്ഷേത്ര അങ്കണത്തിൽ പതിനയ്യായിരം പേർക്ക് ഭക്ഷണം ഒരുക്കും.