അടുക്കളയിലെ പ്രഷർ കുക്കറിൽ മൂർഖൻ പാമ്പിനെ കണ്ടെത്തി

താമരശ്ശേരി: താമരശ്ശേരി തച്ചംപൊയിലിൽ വീട്ടിലെ അടുക്കളയിൽ സൂക്ഷിച്ചിരുന്ന പ്രഷർ കുക്കറിനുള്ളിൽ മൂർഖൻ പാമ്പിനെ കണ്ടെത്തി. തച്ചംപൊയിൽ ചാലക്കരയിൽ ആണ് വീട്ടിലെ അടുക്കളയിൽ സൂക്ഷിച്ച പ്രഷർ കുക്കറിൽ ഉഗ്രവിഷമുള്ള മൂർഖൻ പാമ്പിനെ കണ്ടെത്തിയത്. വീട്ടമ്മ ഭക്ഷണം പാകം ചെയ്യാനായി പ്രഷർകുക്കർ വെള്ളമൊഴിച്ച് കഴുകാനുള്ള ശ്രമത്തിനിടെയാണ് ഉള്ളിൽ കിടന്ന് മൂർഖൻ പാമ്പ് ശ്രദ്ധയിൽപ്പെട്ടത്.

      തല നാരിഴയ്ക്കാണ് പാമ്പിന്റെ    കടിയേൽക്കാതെ വീട്ടമ്മ രക്ഷപ്പെട്ടത്. വീട്ടുകാർ വിവരമറിയിച്ചതിനെ തുടർന്ന് പാമ്പിനെ പിടികൂടുന്നതിൽ പരിശീലനം നേടിയ കോരങ്ങാട് സ്വദേശി എം.ടി ജംഷീദ് സ്ഥലത്തെത്തി പാമ്പിനെ പിടികൂടി.പാമ്പ് പിടുത്തത്തിൽ വിദഗ്ധ പരിശീലനം നേടിയ ആളാണ് കോരങ്ങാട് സ്വദേശിയായ ജംഷീദ്. പാമ്പിനെ പിന്നീട് വനത്തിൽ കൊണ്ടു പോയി തുറന്നു വിട്ടു.