പുതിയ തെരു വിഘ്നേശ്വര സ്വയം സഹായ സംഘം വാർഷികാഘോഷം സംഘടിപ്പിച്ചു

നടുവണ്ണൂർ: പുതിയ തെരു വിഘ്നേശ്വര സ്വയം സഹായ സംഘം 3-ാം വാർഷികം വിപുലമായ പരിപാടികളോടെ ആഘോഷിച്ചു. നടുവണ്ണൂർ പുതിയ തെരു ശ്രീ മഹാഗണപതി ക്ഷേത്രം മേൽശാന്തി ബിജു കെ.പി. പരിപാടിയും നറുക്കെടുപ്പും ഉദ്ഘാടനം ചെയ്തു. സംഘം പ്രസിഡൻ്റ് ബാബു മലോൽ അദ്ധ്യക്ഷനായി. 

      ക്ഷേത്രം പ്രസിഡൻ്റ് ബാലൻ എം.പി., സിക്രട്ടറി ശശി തറോൽ, സുനി എൻ.വി. എന്നിവർ ആശംസകൾ അർപ്പിച്ച് സംസാരിച്ചു. ചടങ്ങിൽ 70 വയസ്സ് കഴിഞ്ഞ സംഘം മെമ്പർമാരേയും പാചകവിദഗ്ദനും അംഗപരിമിതനുമായ മുരളീധരൻ താഴെ കുന്നുമ്മലിനെയും ആദരിച്ചു. 

      ചടങ്ങിൽ സൈബർ കുറ്റകൃത്യങ്ങളെക്കുറിച്ച് കോഴിക്കോട് സിറ്റി സൈബർ പോലീസ് സ്റ്റേഷൻ എ.എസ്.ഐ. ബീരജ് കുന്നുമ്മൽ ബാലുശ്ശേരി ക്ലാസെടുത്തു. ചടങ്ങിൽ സംഘം സെക്രട്ടറി ബാബുരാജ് എ.കെ. സ്വാഗതവും രജീഷ് പി.കെ. നന്ദിയും പറഞ്ഞു. തുടർന്ന് കലാ കായിക പരിപാടികളും അരങ്ങേറി.