ചാലിക്കരയിൽ സാമൂഹ്യ വിരുദ്ധർ സി.സി.ടി.വി ക്യാമറകൾ നശിപ്പിച്ചതായി പരാതി
ഷോപ്പ് ഉടമ മുഹമ്മദ് സാലിഹ് പേരാമ്പ്ര പോലീസിൽ പരാതി നൽകി
പേരാമ്പ്ര: ചാലിക്കരയിൽ സാമൂഹ്യ വിരുദ്ധർ സി.സി.ടി.വി ക്യാമറകൾ നശിപ്പിച്ചതായി പരാതി. ചാലിക്കരയിലെ പാക്ക് അപ്പ് പ്രിന്റിങ് സ്ഥാപനത്തിന് മുന്നിൽ സ്ഥാപിച്ച സി.സി.ടി.വി ക്യാമറകളാണ് സാമൂഹ്യ വിരുദ്ധർ നശിപ്പിച്ചതായി പരാതി പറയുന്നത്. ഷോപ്പ് ഉടമ മുഹമ്മദ് സാലിഹ് പേരാമ്പ്ര പോലീസിൽ പരാതി നൽകി. സംഭവത്തിൽ പ്രതിഷേധിച്ച്, സാമൂഹ്യ വിരുദ്ധരെ കണ്ടെത്തി നിയമ നടപടികൾ സ്വീകരിക്കണമെന്ന് വ്യാപാരി വ്യവസായി ഏകോപന സമിതി ചാലിക്കര യൂണിറ്റ് ആവശ്യപ്പെട്ടു.
പ്രതിഷേധ യോഗത്തിൽ യൂണിറ്റ് പ്രസിഡന്റ് എ. ഇബ്രാഹിം അധ്യക്ഷത വഹിച്ചു. പി.പി. ഇസ്മായിൽ, ടി. സത്യൻ, കെ.സി. കുഞ്ഞമ്മത്, സി. ഖാദർ, സി.കെ. മുഹമ്മദ്, കെ.കെ. മൊയ്തു, സജി, പി. ബീരാൻ കുട്ടി എന്നിവർ സംസാരിച്ചു.