കെ.എസ്.എസ്.പി.യു. ചെറുവണ്ണൂർ വെസ്റ്റ് യൂണിറ്റ് കുടുംബ സംഗമം സംഘടിപ്പിച്ചു

പേരാമ്പ്ര: കേരള സ്റ്റേറ്റ് സർവീസ് പെൻഷനേഴ്സ് യൂണിയൻ ചെറുവണ്ണൂർ വെസ്റ്റ് യൂണിറ്റ് കുടുംബ സംഗമം ചെറുവണ്ണൂർ ഗവ. ഹൈസ്കൂളിൽ നടന്നു. ചെറുവണ്ണൂർ പഞ്ചായത്ത് ഏഴാം വാർഡ് മെമ്പർ എ. ബാലകൃഷ്ണൻ കുടുംബ സംഗമം ഉദ്ഘാടനം ചെയ്തു. യൂണിറ്റ് പ്രസിഡൻ്റ് പി.എം. ബാലൻ അദ്ധ്യക്ഷനായി. 

      പേരാമ്പ്ര താലൂക്ക് ആശുപത്രി മെഡിക്കൽ ഓഫീസർ ഡോക്ടർ സി.കെ. വിനോദ് ആരോഗ്യ ബോധവത്ക്കരണ ക്ലാസും പേരാമ്പ്രയിലെ ഫയർആൻഡ് റെസ്ക്യൂ അസിസ്റ്റൻറ് സ്റ്റേഷൻ ഓഫീസർ പി.സി. പ്രേമൻ ഗാർഹിക സുരക്ഷാ ബോധവത്ക്കരണ ക്ലാസും എടുത്തു. 

     ബ്ലോക്ക് സെക്രട്ടറി പി. രവീന്ദ്രൻ, ബ്ലോക്ക് വൈസ് പ്രസിഡൻ്റ് പി.സി. ബാലകൃഷ്ണൻ, ബ്ലോക്ക് കമ്മിറ്റി അംഗം വി.ആർ. ശൈലജ, കുന്നത്ത് അനിത, വി.പി. ഉണ്ണികൃഷ്ണൻ എന്നിവർ ആശംസകൾ അർപ്പിച്ചു സംസാരിച്ചു യൂണിറ്റ് സെക്രട്ടറി സി. സുരേന്ദ്രൻ സ്വാഗതവും ടി.കെ. ദിവാകരൻ നന്ദിയും പറഞ്ഞു. പെൻഷൻകാരുടെയും കുടുംബാംഗങ്ങളുടെയും കലാപരിപാടികൾ അരങ്ങേറി.