പന്തലായനി ബി.ആർ.സിയുടെ നേതൃത്വത്തിൽ വിദ്യാർത്ഥികൾക്കായി മെഡിക്കൽ ക്യാമ്പ് സംഘടിപ്പിച്ചു

കൊയിലാണ്ടി: പന്തലായനി ബി.ആർ.സിയുടെ നേതൃത്വത്തിൽ പൊതുവിദ്യാലയങ്ങളിൽ പഠിക്കുന്ന വിദ്യാർത്ഥികൾക്കായി മെഡിക്കൽ ക്യാമ്പ് സംഘടിപ്പിച്ചു. കുട്ടികളിലെ കേൾവി പരിമിതി, ചലനപരിമിതി എന്നീ പ്രയാസങ്ങൾ തിരിച്ചറിയുന്നതിനും സഹായ ഉപകരണങ്ങൾ നൽകുന്നതിനുമായാണ് ക്യാമ്പ് സംഘടിപ്പിച്ചത്. 

       കൊയിലാണ്ടി ഗവ. മാപ്പിള എച്ച്.എസ്.എസിൽ വെച്ച് നടന്ന ക്യാമ്പ് കൊയിലാണ്ടി നഗരസഭാ ആരോഗ്യ സ്റ്റാൻ്റിംഗ് കമ്മറ്റി ചെയർപേഴ്സൺ സി. പ്രജില ഉദ്ഘാടനം ചെയ്തു. ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ കെ. ഷിജു അദ്ധ്യക്ഷത വഹിച്ചു. ജി.എം.വി.എച്ച്.എസ്.എസ്. ഹെഡ്മിസ്ട്രസ് ദീപ പി.ബി. ആശംസകൾ അർപ്പിച്ചു സംസാരിച്ചു.

      കൊയിലാണ്ടി താലൂക്ക് ആശുപത്രിയിലെ ഇ.എൻ.ടി. വിഭാഗം ഡോക്ടർ മൈക്കിൾ സി.ജെ. കുട്ടികളുടെ കേൾവി പരിശോധനാ ക്യാമ്പിന് നേതൃത്വം നൽകി. ബി.ആർ.സി. പന്തലായനിയിലെ ബി.പി.സി. ദീപ്തി ഇ.പി. സ്വാഗതവും സ്പെഷ്യൽ എഡ്യുക്കേറ്റർ സിന്ധു കെ. നന്ദിയും പറഞ്ഞു.