കൊയിലാണ്ടിയിൽ രണ്ടാം ഘട്ട കുടുംബശ്രീ എ.ഡി.എസ്. തല യോഗ പരിശീലനത്തിന് തുടക്കം

കൊയിലാണ്ടി: നഗരസഭ കുടുംബശ്രീ യോഗ പരിശീലനം രണ്ടാം ഘട്ടം എ.ഡി.എസ്. തലത്തിൽ തുടക്കം കുറിച്ചു. മരുതൂരിൽ നഗരസഭ തല ഉദ്ഘാടനം നഗരസഭാ ചെയർപേഴ്സൺ സുധ കിഴക്കെപ്പാട്ട് നിർവഹിച്ചു. ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ കെ. ഷിജു അദ്ധ്യക്ഷത വഹിച്ചു. 

     പരിപാടിയിൽ മുഖ്യാതിഥിയായ രാജലക്ഷ്മി യോഗയെപ്പറ്റി സംസാരിച്ചു. നോർത്ത് സി.ഡി.എസ്. ചെയർപേഴ്സൻ ഇന്ദുലേഖ എം.പി. പദ്ധതി വിശദികരണം നടത്തി. 

      വികസന സ്റ്റാൻഡിംഗ് കമ്മിറ്റി ചെയർ പേഴ്സൺ കെ.എ. ഇന്ദിര, കൗൺസിലർ എം. പ്രമോദ് എന്നിവർ ആശംസകൾ അർപ്പിച്ചു സംസാരിച്ചു. സി.ഡി.എസ്. വൈസ് ചെയർ പേഴ്സൺ സുധിന സ്വാഗതവും സി.ഡി.എസ്. മെമ്പർ സൗമിനി നന്ദിയും പറഞ്ഞു.