മുക്കത്ത് ബൈക്കുകൾ കൂട്ടിയിടിച്ചുണ്ടായ അപകടത്തിൽ പരിക്കേറ്റ യുവാവ് മരിച്ചു

മുക്കം: ബൈക്കുകൾ കൂട്ടിയിടിച്ചുണ്ടായ അപകടത്തിൽ പരിക്കേറ്റ് ചികിത്സയിലായിരുന്ന യുവാവ് മരിച്ചു. അഗസ്ത്യൻമുഴി ഇരുൽകുന്നുമ്മൽ (കുനിയിൽ) സൈനീഷ് കുമാറാ(37)ണ് മരിച്ചത്. മുക്കം പൊലീസ് സ്റ്റേഷനു സമീപം ശനിയാഴ്ച രാത്രി പന്ത്രണ്ടോടെയായിരുന്നു അപകടം. 

      മുക്കം ഭാഗത്തുനിന്ന് അഗസ്ത്യൻ മുഴി ഭാഗത്തേക്ക് പോവുകയായിരുന്ന സൈനീഷ് സഞ്ചരിച്ചിരുന്ന ബൈക്കിൽ എതിർദിശയിൽ നിന്ന് വന്ന ബൈക്ക് ഇടിച്ചാണ് അപകടമുണ്ടായത്. തലയ്ക്ക് ഗുരുതരമായി പരിക്കേറ്റ സൈനീഷിനെ മുക്കം പൊലീസ് കോഴിക്കോട് മെഡിക്കൽ കോളേജ് ആശുപത്രിയിൽ എത്തിക്കുകയായിരുന്നു. തീവ്രപരിചരണ വിഭാഗത്തിൽ ചികിത്സയിലിരിക്കെ ചൊവ്വാഴ്ച രാവിലെയാണ് മരിച്ചത്.

     മൃതദേഹം പോസ്റ്റുമോർട്ടത്തിന് ശേഷം കാരശ്ശേരി പൊതു ശ്മശാനത്തിൽ സംസ്കരിച്ചു. രമേശൻ്റെയും ഷൈലജയുടെയും മകനാണ് സൈനീഷ്. സഹോദരൻ: ഷൈമേഷ്.