കോഴിക്കോട് ക്ഷേത്രോത്സവത്തിൽ താലപ്പൊലിക്ക് പിന്നാലെ ആനയിടഞ്ഞു
ജനക്കൂട്ടം ചിതറിയോടിയെങ്കിലും ആർക്കും പരിക്കില്ല
കോഴിക്കോട്: കോഴിക്കോട് ക്ഷേത്രോത്സവത്തിൽ താലപ്പൊലിക്ക് പിന്നാലെ ആനയിടഞ്ഞു. പൂവാട്ടുപറമ്പ് ചെമ്പകശ്ശേരി ക്ഷേത്രത്തിൽ ഉത്സവത്തിനിടെയാണ് ആനയിടഞ്ഞത്. താലപ്പൊലിക്ക് പിന്നാലെയാണ് സംഭവം.
ആനപ്പുറത്ത് തിടമ്പുമായി നാല് പേരുണ്ടായിരുന്നു. ഇവരെയും കൊണ്ട് ആന അൽപ്പദൂരം ഓടി. ഇവർ പിന്നീട് ചാടിയിറങ്ങുകയായിരുന്നു. പരിഭ്രാന്തരായ ജനക്കൂട്ടം ചിതറിയോടിയെങ്കിലും ആർക്കും പരിക്കില്ല. ആനയെ പാപ്പാന്മാർ ചേർന്ന് തളച്ചു.