പാതിരിപ്പറ്റ സീനിയർ സിറ്റിസൺസ് ഫോറം വാർഷിക സമ്മേളനം ഏറെ പൊലിമയോടെ സംഘടിപ്പിച്ചു

കക്കട്ടിൽ:പാതിരിപ്പറ്റ സീനിയർ സീസൺ ഫോറം വാർഷിക സമ്മേളനം തികച്ചും വ്യത്യസ്തമായ രൂപത്തിലാണ് നടന്നത്. അവശത ഉണ്ടായിട്ടും അവ വകവെക്കാതെ, സ്റ്റെപ്പുകൾ കയറി നൂറിലധികം പേരാണ് സമ്മേളനത്തിൽ പങ്കെടുത്തത്. യൂണിറ്റ് സ്ഥാപക സെക്രട്ടറി ടി. കേളപ്പൻ ഉദ്ഘാടനം ചെയ്തു .

    പര്യയ്യി കെ.കെ.അധ്യക്ഷത വഹിച്ചു. കവിയും മോട്ടിവേറ്ററുമായ ഇബ്രാഹിം തിക്കോടി മുഖ്യപ്രഭാഷണം നടത്തി . മനസ്സ് കരുത്തുറ്റതാക്കിയാൽ വാർദ്ധക്യത്തിലെ ഇരുട്ടിനെ പുലരിയിലെ കുളിരാക്കി മാറ്റാൻ സാധിക്കുമെന്ന് അദ്ദേഹം പറഞ്ഞു .അതിന് നിരന്തരമായ പ്രവർത്തനമാണ് ആവശ്യമെന്നും സൂചിപ്പിച്ചു.

      കെ . ബാബു മാസ്റ്റർ കൊയ്യാൽ ആരോഗ്യ ബോധവൽക്കരണ ക്ലാസ് നടത്തി . കെ .കേളപ്പൻ ,രവീന്ദ്രൻ മാസ്റ്റർ, കണ്ണൻ എംപി, അന്ത്രു ഹാജി എന്നീ മുതിർന്നവരെ സദസ്സിൽ ആദരിച്ചു . കളരി ആശാനും, അവാർഡ് ജേതാവുമായ ഒതേനൻ ഗുരുക്കളെയും സദസ്സിൽ ആദരിച്ചു .ദാമോദരൻ എടത്തിൽ,ഇ.സി.ബാലൻ,കെ.കെ.രാഘവൻ, എന്നിവർ സംസാരിച്ചു.