പേരാമ്പ്ര ഫയർ സ്റ്റേഷനിൽ വി.കെ. നൗഷാദിനുള്ള യാത്രയപ്പും ഇഫ്താർ വിരുന്നും സംഘടിപ്പിച്ചു

പേരാമ്പ്ര: ആപത് മിത്ര ഫസ്റ്റ് ബാച്ചും പേരാമ്പ്ര ഫയർസ്റ്റേഷനും സംയുക്തമായി വടകര ഫയർ സ്റ്റേഷനിലേക്ക് സ്ഥലം മാറിപ്പോവുന്ന വി.കെ. നൗഷാദിനുള്ള യാത്രയപ്പും ഇഫ്താർ വിരുന്നും ഫയർസ്റ്റേഷനിൽ സംഘടിപ്പിച്ചു. സ്റ്റേഷൻ ഓഫീസർ ഗിരീഷ് ചടങ്ങ് ഉദ്ഘാടനം ചെയ്തു.

       പ്രോഗ്രാം ചെയർമാൻ റഫീഖ് എടവത് ചടങ്ങിൽ അധ്യക്ഷത വഹിച്ചു. സ്ഥലം മാറി പോവുന്ന വി.കെ. നൗഷാദിനെ മൊമൻ്റോ നൽകി ആദരിച്ചു. അസിസ്റ്റന്റ് സ്റ്റേഷൻ ഓഫീസർ പി. വിനോദ്, പി.സി. പ്രേമൻ, ഷിജിത്ത് എ., ആപത് മിത്ര വളന്റിയർ അംഗങ്ങളായ സതീഷ് കുമാർ, ഹനീഫ നടുവണ്ണൂർ, മുനീർ എന്നിവർ ആശംസകളർപ്പിച്ചു സംസാരിച്ചു.

       വി.കെ. നൗഷാദ് മറുമൊഴി നൽകി. പ്രോഗ്രാം കൺവീനർ സുജിത നടുവണ്ണൂർ സ്വാഗതവും ഷിജു ചെറുവണ്ണൂർ നന്ദിയും പറഞ്ഞു. സിൻ്റിക്കേറ്റ് നോമിനി ആയി ഷിജു ചെറുവണ്ണൂരിനെയും അസിസ്റ്റന്റ് സിന്ധിക്കേറ്റ് നോമിനിയായി കെ.എം. സബിതയെയും തെരഞ്ഞെടുത്തു. തുടർന്ന് ഇഫ്താർ വിരുന്നും സംഘടിപ്പിച്ചു.