നടുവണ്ണൂരിൽ കെ എസ് ഇ ബിയുടെ ചാർജിങ് സ്റ്റേഷനുകൾ പ്രവർത്തന സജ്ജമായി
നടുവണ്ണൂർ സെക്ഷന് കീഴിൽ വരുന്ന വെള്ളിയൂരും, കാവുന്തറ റോഡ് ജംഗ്ഷനിലും ആണ് ഈ സംവിധാനം സ്ഥാപിച്ചത്.
നടുവണ്ണൂർ: കെ എസ് ബി യുടെ നടുവണ്ണൂർ സെക്ഷൻ പരിധിയിൽ സ്ഥാപിച്ച പോൾ മൌണ്ടഡ് ചാർജിങ് സ്റ്റേഷനുകൾ ( ഇലക്ട്രിക്കൽ വെഹിക്കിൾ ചാർജിങ് ) ഇന്ന് പ്രവർത്തനം തുടങ്ങി. നടുവണ്ണൂർ സെക്ഷന് കീഴിൽ വരുന്ന വെള്ളിയൂരും, കാവുന്തറ റോഡ് ജംഗ്ഷനിലും ആണ് ഈ സംവിധാനം സ്ഥാപിച്ചത്
ഇന്ന് മുതൽ വാഹനങ്ങൾക്ക് ഈ സ്റ്റേഷനുകളിൽ നിന്നും ചാർജ്ജിങ് ചെയ്ത് തുടങ്ങാവുന്നതാണ്. ചാർജിങും പണമടയ്ക്കലുമെല്ലാം സ്വയം ചെയ്യാവുന്ന രീതിയിലാണ് ക്രമീകരണം. വിവിധ ആപ്പുകൾ വഴി പണമടച്ചാണ് ചാർജ് ചെയ്യേണ്ടത്.
വാഹനങ്ങളിൽ പെട്രോളും ഡീസലും
തീരാറാകുമ്പോൾ അടുത്തുള്ള പമ്പിൽനിന്ന് അടിക്കുന്നതുപോലെ വഴിയരികിലുള്ള ഇ ചാർജിങ് കേന്ദ്രങ്ങളിൽ നിന്ന് വാഹനങ്ങൾക്ക് ചാർജുചെയ്യാവുന്ന സൗകര്യമാണ് ഇലക്ട്രിക്കൽ വെഹിക്കിൾ ചാർജിങ് സ്റ്റേഷനുകൾ.
ചാർജിങ് കേന്ദ്രത്തിലുള്ള ക്യു.ആർ. കോഡ് മൊബൈലിൽ സ്കാൻ ചെയ്താൽ ആപ്പ് ലഭ്യമാകും. ഇത് മൊബൈലിൽ ഡൗൺലോഡ് ചെയ്തുവെയ്ക്കാം. ആപ്പിലെ തുക തീരുന്നതിനനുസരിച്ച് റീചാർജ് ചെയ്താൽ മതി.