'അസ്തമിക്കാത്ത പകലുകൾ ' കവിതാ സമാഹാരം പ്രകാശനം ചെയ്തു
വി.കെ നാരായണൻ അടിയോടി പ്രകാശന കർമ്മം നിർവ്വഹിച്ചു.
കടിയങ്ങാട് : കെ.വി സോമനാഥന്റെ 'അസ്തമിക്കാത്ത പകലുകൾ ' കവിതാ സമാഹാരം പ്രകാശനം ചെയ്തു. സൂപ്പിക്കടയിൽ നടന്ന ചടങ്ങിൽ വി.കെ നാരായണൻ അടിയോടി പ്രകാശന കർമ്മം നിർവ്വഹിച്ചു. താലൂക്ക് ലൈബ്രറി കൗൺസിൽ അംഗം കെ.ജി രാമ നാരായണൻ പുസ്തകം ഏറ്റു വാങ്ങി.
എം.സി ബഷീർ അധ്യക്ഷത വഹിച്ചു.
ജി രവി , സി.എൻ ദിനേശ് കുമാർ , സുരേന്ദ്രൻ മുന്നൂറ്റൻ കണ്ടി , സിജു കെ നായർ , പി ചന്ദ്ര ശേഖരൻ , എം.കെ ദാമോദരൻ , വി.വി കുഞ്ഞിക്കണ്ണൻ , മേജർ കുഞ്ഞിരാമൻ എന്നിവർ ആശംസകൾ അർപ്പിച്ച് സംസാരിച്ചു.
വി.കെ നാരായണൻ അടിയോടി, ദേവകി ബ്രാഹ്മണി അമ്മ എന്നിവരെ ഷാളണിയിച്ച് ആദരിച്ചു. കവി കെ.വി സോമനാഥൻ നന്ദി പറഞ്ഞു.