ജലജീവൻ മിഷൻ പഞ്ചായത്ത് ഓറിയൻ്റേഷൻ ക്ലാസ് നടത്തി

മേപ്പയൂർ: എല്ലാ വീടുകളിലും ശുദ്ധമായ കുടിവെള്ളമെത്തിക്കുവാൻ കേന്ദ്ര - സംസ്ഥാന സർക്കാറുകളുടെ സഹകരണത്തോടെ നടപ്പാക്കുന്ന ജലജീവൻ മിഷൻ പദ്ധതി പ്രവർത്തനത്തിന് മേപ്പയൂരിൽ തുടക്കമായി. പഞ്ചായത്തുതല ഓറിയൻ്റേഷൻ ക്ലാസ് ഗ്രാമപഞ്ചായത്ത് പ്രസിഡണ്ട് കെ. ടി. രാജൻ ഉദ്ഘാടനം ചെയ്തു. 

      വൈസ് പ്രസിഡണ്ട് എൻ. പി. ശോഭ അദ്ധ്യക്ഷത വഹിച്ച ചടങ്ങിൽ ആരോഗ്യ - വിദ്യാഭ്യാസ സ്റ്റാൻ്റിംഗ് കമ്മിറ്റി ചെയർമാൻ ഭാസ്ക്കരൻ കൊഴുക്കല്ലൂർ, വാട്ടർ അതോറിറ്റി അസി. എക്സിക്യൂട്ടീവ് എഞ്ചിനിയർ സി. ജിതേഷ്, ഇംപ്ലിമെൻ്റിങ്ങ് സപ്പോർട്ടിങ്ങ് ഏജൻസി പ്രതിനിധി ടി. പി. രാധാകൃഷ്ണൻ, ഗ്രാമ പഞ്ചായത്ത് അംഗം ശ്രീനിലയം വിജയൻ എന്നിവർ സംസാരിച്ചു.

      രാഷ്ട്രീയ പാർട്ടി നേതാക്കൾ, ഗ്രാമപഞ്ചായത്ത് അംഗങ്ങൾ, വാർഡ് വികസന സമിതി കൺവീനർമാർ, നിലവിലുള്ള കുടിവെള്ളപദ്ധതി ഭാരവാഹികൾ എന്നിവർ പങ്കെടുത്തു.

ഷബീർ ജന്നത്ത്, കെ. കെ. ബാബു, സി. പി. ബാബു, ആന്തേരി ഗോപാലകൃഷ്ണൻ, ബാലകൃഷ്ണൻ മാസ്റ്റർ, കെ. പി. അബ്ദുറഹിമാൻ സി. എം. ബാബു, രാജേന്ദ്രൻ എന്നിവർ ചർച്ചയിൽ പങ്കെടുത്തു.