ഫോർമർ സ്കൗട്ട് ഫോറം ; ഹാപ്പി ഹോം പദ്ധതി തറക്കല്ലിടൽ

നടുവണ്ണൂർ: ഫോർമർ സ്കൗട്ട് പദ്ധതിയുടെ ഭാഗമായി നിർമ്മിക്കുന്ന സ്നേഹ ഭവനത്തിൻ്റെ തറക്കല്ലിടൽ 14.11. 21 ഞായറാഴ്ച രാവിലെ 10 മണിക്ക് എം.എൽ.എ. സച്ചിൻ ദേവ് നിർവ്വഹിക്കുന്നു. നടുവണ്ണൂർ പഞ്ചായത്തിലെ വീടില്ലാത്ത സാമ്പത്തികമായി പ്രയാസം അനുഭവിക്കുന്ന കുടുംബത്തെ കണ്ടെത്തിയാണ് നടുവണ്ണൂർ ആസ്ഥാനമായുള്ള ഫോർമർ സ്കൗട്ട് ഫോറം വീട് നിർമ്മിച്ച് നൽകുന്നത്. മന്ദങ്കാവിലെ കേരഫെഡിന് സമീപം താമസിക്കുന്ന കുടുംബത്തിനാണ് വീട്.

        സ്നേഹഭവനത്തിൻ്റെ നിർമാണത്തിനായി സ്വാഗത സംഘം രൂപീകരിച്ചു. മെമ്പർ പി. സുജ അദ്ധ്യക്ഷയായിരുന്നു. സുധീഷ് ചെറുവത്ത്, എം. കെ. ജലീൽ, ടി. നിസാർ, എഫ് എസ് എഫ് സെക്രട്ടറി ഡോ: സുബീഷ് എം.എം, സി. സത്യപാലൻ, കെ. കെ. സുരേഷ് , എം. പ്രദോഷ്, എൻ. കെ. രാമചന്ദ്രൻ, അഖിൽ എന്നിവർ സംസാരിച്ചു. ഷാലു രാജ് സ്വാഗതവും കെ. കെ. സുരേഷ് നന്ദിയും രേഖപ്പെടുത്തി.

     സ്വാഗത സംഘം രക്ഷാധികാരികളായി ഡോ. എം. എം. സുബീഷ് (കൺവീനർ), പി. സുജ (ചെയർമാൻ), ടി. പി. ദാമോദരൻ മാസ്റ്റർ, എം. കെ. ജലീൽ, സുധീഷ് ചെറുവത്ത് എന്നിവരെ തെരഞ്ഞെടുത്തു.