ബാലുശ്ശേരി സബ് ജില്ല സ്കൂൾ കലാമേളയിൽ സംഘനൃത്തത്തിൽ വീണ്ടും ഇരട്ട വിജയവുമായി കോക്കല്ലൂർ ഹയർ സെക്കൻ്ററി സ്കൂൾ

ബാലുശ്ശേരി: പൂനൂർ ഹയർ സെക്കൻ്ററി സ്കൂളിൽ വെച്ച് നടന്ന ബാലുശ്ശേരി സബ് ജില്ല കലാത്സവത്തിൽ ഹയർ സെക്കൻ്ററി വിഭാഗത്തിലും ഹൈസ്കൂൾ വിഭാഗത്തിലും സംഘ നൃത്തത്തിൽ എ ഗ്രേഡോടെ ഒന്നാം സ്ഥാനം കരസ്ഥമാക്കി കോക്കല്ലൂർ ഹയർ സെക്കൻ്ററി സ്കൂൾ ടീം. കഴിഞ്ഞ വർഷം നന്മണ്ട വെച്ച് നടന്ന സബ്ജില്ല കലോത്സവത്തിൽ സംഘനൃത്തത്തിൽ ഹയർ സെക്കൻ്ററി വിഭാഗത്തിലും ഹൈസ്കൂൾ വിഭാഗത്തിലും എ ഗ്രേഡോടെ ഒന്നാം സ്ഥാനം നേടിയിരുന്നു.

      കോക്കല്ലൂർ - പറമ്പിൻമുകൾ നാട്യകലാക്ഷേത്രം നൃത്താദ്ധ്യാപിക സ്വപ്ന സതീശൻ്റെ ശിക്ഷണത്തിൽ ഹയർ സെക്കൻ്ററി വിഭാഗത്തിൽ ഗൗരി, ഗോപിക, ദേവിക, സയന, അവന്തിക, തേജ, അലീസ എന്നിവരും ഹൈസ്കൂൾ വിഭാഗത്തിൽ നിവേദ്യ, ദേവിക, വൈഷ്ണവി, ദേവനന്ദ, അവനി, അൻവിന്ദ, തന്മയ എന്നിവരാണ് മിന്നുന്ന വിജയം കൈവരിച്ചത്. കോഴിക്കോട് റവന്യൂ ജില്ലാ സ്കൂൾ കലാമേളയിലേയ്ക്കുള്ള തയ്യാറെടുപ്പിലാണ് ഇപ്പോൾ ഇവർ.