മരുതേരി എ.എം.എൽ.പി. സ്കൂൾ സ്വാതന്ത്ര്യ ദിന പരിപാടി സംഘടിപ്പിച്ചു

പേരാമ്പ്ര: മരുതേരി എ.എം.എൽ.പി. സ്കൂൾ സ്വാതന്ത്ര്യ ദിന പരിപാടി സംഘടിപ്പിച്ചു. ഹെഡ്മിസ്ട്രസ് ടി.കെ. ജിജി പതാക ഉയർത്തി. പി.ടി.എ. പ്രസിഡൻ്റ് സുബിൻ ടി. അദ്ധ്യക്ഷത വഹിച്ചു. പേരാമ്പ്ര ഗ്രാമപഞ്ചായത്ത് മെമ്പർ പി.എം. സത്യൻ സ്വാതന്ത്ര്യ ദിന സന്ദേശം നൽകി. 

      സതീശൻ എൻ.കെ., രഞ്ജിത്ത്, സഫീല, ഷാജി എം. റിൻസി ഇ.കെ., ഗിരിജ പി. സായൂജ്, സന്തോഷ് എന്നിവർ ആശംസകൾ അർപ്പിച്ചു സംസാരിച്ചു. ചടങ്ങിന് വി.കെ. സൗമ്യ സ്വാഗതവും സ്റ്റാഫ് സെക്രട്ടറി ജിഷ്ണു സി. വാര്യർ നന്ദിയും പറഞ്ഞു. 

       കുട്ടികൾക്കായി ദേശഭക്തിഗാനം, ദൃശ്യാവിഷ്ക്കാരം, പ്രസംഗം എന്നിവയും രക്ഷിതാക്കൾക്കായി പി.കെ. സുരേഷ് നൊച്ചാട് ഇന്ത്യൻ സ്വാതന്ത്ര്യ സമര ചരിത്രത്തെ ആസ്പദമാക്കി 'അറിവിൻ്റെ അശ്വമേധം' പരിപാടിയും നടത്തി. ജീന, നയന, മിനി സതീശ് എന്നിവർ ഉൾപ്പെടുന്ന ടീം ഒന്നാം സ്ഥാനം കരസ്ഥമാക്കി.