നൊച്ചാട് എ.എം.എൽ.പി. സ്കൂളിൽ ലഹരി വിരുദ്ധ ക്യാമ്പെയ്ൻ സംഘടിപ്പിച്ചു

നൊച്ചാട്: നൊച്ചാട് എ.എം.എൽ.പി. സ്കൂളിൽ ലഹരി വിരുദ്ധ ദിനാചരണത്തിന്റെ ഭാഗമായി വിവിധ പരിപാടികൾ സംഘടിപ്പിച്ചു. പ്രധാനാദ്ധ്യാപിക എ.കെ. അസ്മ പരിപാടി ഉദ്ഘാടനം ചെയ്തു.

     കെ.എ. ലിനിയ ലഹരി വിരുദ്ധ പ്രതിജ്ഞ ചൊല്ലിക്കൊടുത്തു. ലഹരി വിരുദ്ധ വലയം, ബോധവൽക്കരണ റാലി, പോസ്റ്റർ നിർമ്മാണം എന്നിവ നടന്നു. അദ്ധ്യാപകരായ റിയാസ് എൻ., ആഷിത കെ.വി., ബീന പി. എന്നിവർ നേതൃത്വം നൽകി.