മാതൃക ഹോം ഗാർഡിനെ ആദരിച്ച് നൊച്ചാട് സ്കൂളിലെ എൻ.എസ്.എസ്. വളണ്ടിയർമാർ

പേരാമ്പ്ര: നൊച്ചാട് ഹയർ സെക്കൻ്ററി സ്കൂൾ എൻ.എസ്.എസ്. യൂണിറ്റിന്റെ നേതൃത്വത്തിൽ ഹോം ഗാർഡ് കരുണാകരനെ ആദരിച്ചു. വിദ്യാലയത്തിലെ 2500 ഓളം വരുന്ന വിദ്യാർത്ഥികളെ സ്വന്തം മക്കളെപ്പോലെ പരിഗണിച്ച് ബസ് യാത്ര സൗകര്യം ഒരുക്കുന്ന ഇദ്ദേഹം വിദ്യാർത്ഥികളുടെ പ്രിയങ്കരനായി മാറിയിട്ടുണ്ട്. വിമുക്തഭടനായ കരുണാകരൻ അഞ്ചുവർഷമായി ഹോം ഗാർഡ് ആയി സേവനമനുഷ്ഠിക്കുന്നു.  

      പരിപാടി പേരാമ്പ്ര പോലീസ് സബ് ഇൻസ്പെക്ടർ സുജീഷ് ഉദ്ഘാടനം ചെയ്തു. പ്രിൻസിപ്പാൾ കെ. സമീർ അധ്യക്ഷ വഹിച്ചു. ഹെഡ്മിസ്ട്രസ് എം. ബിന്ദു, വി. കാസിം, നസീർ, പ്രോഗ്രാം ഓഫീസർ ഷോബിൻ കെ.കെ., വളണ്ടിയർമാരായ ആര്യ കെ., വിനായക് ബി.പി. എന്നിവർ സംസാരിച്ചു. എ.പി. അസീസ് സ്വാഗതവും വി.എം. അഷ്റഫ് നന്ദിയും പറഞ്ഞു.