ജി.എച്ച്.എസ്.എസ്. നടുവണ്ണൂരിൽ എൻ.സി.സി. കേഡറ്റുകളെ ആദരിച്ചു

നടുവണ്ണൂർ: ജി.എച്ച്.എസ്.എസ്. നടുവണ്ണൂർ 2023- 24 അധ്യയന വർഷത്തിൽ എൻ.സി.സിയിലേക്ക് എൻറോൾ ചെയ്യപ്പെട്ട കുട്ടികളുടെ രക്ഷിതാക്കളുടെ മീറ്റിങ്ങിൽ പത്താം ക്ലാസിൽ മുഴുവൻ വിഷയങ്ങൾക്കും എ പ്ലസ് നേടിയ എൻ.സി.സി. കേഡറ്റുകളെ ആദരിച്ചു. ചടങ്ങിൽ സുബെദാർ അനീഷ് കുമാർ (9 കേരള ഗേൾസ് ബറ്റാലിയൻ എൻസിസി, വെസ്റ്റ്ഹിൽ) മുഖ്യ അതിഥിയായി.

        കേഡറ്റുകൾക്കും രക്ഷിതാക്കൾക്കും ചടങ്ങിൽ മോട്ടിവേഷൻ ക്ലാസ് നൽകി. സ്കൂൾ ഹെഡ്മാസ്റ്റർ മുനാസ് ടി. അധ്യക്ഷത വഹിച്ചു. പി.ടി.എ. പ്രസിഡൻ്റ് സത്യൻ കുളിയപൊയിൽ ആശംസ അർപ്പിച്ചു സംസാരിച്ചു. എൻ.സി.സി. ഓഫീസർ രമ്യ പി.കെ. സ്വാഗതവും എൻ.സി.സി. സീനിയർ കേഡറ്റ് കൃഷ്ണ തീർത്ത നന്ദിയും പറഞ്ഞു.