കീഴൽ ദേവി വിലാസം യുപി സ്കൂളിൽ ഇംഗ്ലീഷ് ഫെസ്റ്റ് സംഘടിപ്പിച്ചു
സംസ്ഥാന തല ഇംഗ്ലീഷ് റിസോഴ്സ് പേഴ്സൺ വടയക്കണ്ടി നാരായണൻ പരിപാടി ഉദ്ഘാടനം ചെയ്തു
കീഴൂർ: ഇംഗ്ലീഷ് വിദ്യാഭ്യാസം വ്യക്തിയെ അന്താരാഷ്ട്ര പൗരന്മാരാക്കി മാറ്റുമെന്ന് സംസ്ഥാന തല ഇംഗ്ലീഷ് റിസോഴ്സ് പേഴ്സൺ വടയക്കണ്ടി നാരായണൻ പറഞ്ഞു. കീഴൽ ദേവി വിലാസം യുപി സ്കൂളിൽ ഇംഗ്ലീഷ് ഫെസ്റ്റ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ഹെഡ് മിസ്ട്രസ്സ് കെ.പി. ശ്രീലത അധ്യക്ഷത വഹിച്ചു.
പി.ടി.എ. പ്രസിഡൻ്റ് എം. രാജേഷ്, റീഷ്മ പി. പുത്തൂർ, കെ.കെ. അബ്ദുൽ മജീദ്, ആർ. ആരാധ്യ, പി. സുജേന്ദ്ര ഘോഷ് എന്നിവർ സംസാരിച്ചു. ഇംഗ്ലീഷ് ക്ലബ് ഭാരവാഹികളായ വൈഗ സ്വാഗതവും, ആർ. ഇന്ദുലേഖ നന്ദിയും രേഖപ്പെടുത്തി. ഒരു ദിവസം നീണ്ട ഫെസ്റ്റ് കുക്കറി ഷോ, കടങ്കഥകൾ തുടങ്ങിയ വ്യത്യസ്ത പരിപാടികൾ കൊണ്ട് ഏറെ ശ്രദ്ധേയമായി.