ചേന്ദമംഗലൂർ സ്കൂൾ സൗജന്യ മാസ്ക് ബാങ്കൊരുക്കി
ആവശ്യക്കാർക്ക് സൗജന്യമായി മാസ്ക് ഉപയോഗിക്കാവുന്നതാണ്
ചേന്ദമംഗലൂർ: ചേന്ദമംഗലൂർ ഹയർസെക്കൻഡറി സ്കൂളിലെ എൻ എസ് എസ് വൊളൻറിയർമാരുടെ നേതൃത്വത്തിൽ കോവിഡ് പ്രതിരോധപ്രവർത്തനങ്ങൾക്കായി സൗജന്യ മാസ്ക് ബാങ്ക് ആരംഭിച്ചു. പ്രിൻസിപ്പൽ ഒ. ശരീഫുദ്ദീൻ പരിപാടി ഉദ്ഘാടനം ചെയ്തു.
സർജിക്കൽ മാസ്കുകൾക്കൊപ്പം കുട്ടികൾ തയ്യാറാക്കിയ തുണികൊണ്ടുള്ള മാസ്കുകളും ബാങ്കിൽ ലഭ്യമാണ്. ആവശ്യമുള്ളവർക്ക് സൗജന്യമായി മാസ്ക് ബാങ്കിൽനിന്ന് മാസ്ക് ഉപയോഗിക്കാം.
എൻ എസ് എസ് സ്ക്വയറിൽ നടന്ന ചടങ്ങിൽ എൻ എസ് എസ് വൊളന്റിയർ ക്യാപ്റ്റന്മാരായ എ. ജി. ഹനാൻ, നദ സാലിം എന്നിവർ മാസ്കുകൾ കൈമാറി. പരിപാടിയിൽ വൈസ് പ്രിൻസിപ്പൽ എ. പി. അബ്ദുൽ ജബ്ബാർ, പ്രോഗ്രാം ഓഫീസർ എൻ. കെ. സലീം എന്നിവർ സംസാരിച്ചു.