കാവില് സുബ്രഹ്മണ്യക്ഷേത്രത്തില് കവികളുടെ വിദ്യാരംഭം
വിജയദശമി ദിനമായ ഒക്ടോബർ 13 ന് ക്ഷേത്ര സന്നിധിയിൽ അക്ഷര നിവേദ്യത്തിന് വേദിയൊരുങ്ങും
നടുവണ്ണൂർ: കാവുന്തറയിലെ പ്രസിദ്ധമായ നടുവണ്ണൂര് കാവില് ശ്രീ സുബ്രഹ്മണ്യ ക്ഷേത്രത്തില് അക്ഷരനിവേദ്യത്തിന് വേദിയൊരുങ്ങുന്നു. കവികള് സ്വന്തം കവിത അവതരിപ്പിച്ചുകൊണ്ട് വിദ്യാരംഭം നടത്തുന്ന ഈ പരിപാടി വിജയദശമി ദിനമായ ഒക്ടോബർ 13 ന് രാവിലെ 9 മണിയ്ക്ക് ക്ഷേത്രസന്നിധിയില് ആരംഭിക്കും.
വർഷങ്ങളായി വിജയദശമിനാളില് ജാതി - മത - രാഷ്ട്രീയ ചിന്തകള്ക്കതീതമായി കവികളുടെ വിദ്യാരംഭത്തിന് ക്ഷേത്രം വേദിയൊരുക്കുന്നു. ഒരോ വര്ഷവും നിരവധി കവികളാണ് അക്ഷരം നിവേദിക്കാനായി ഇവിടെ എത്തിച്ചേരുന്നത്. കേശവന് കാവുന്തറയാണ് പരിപാടിക്ക് നേതൃത്വം നൽകുന്നത്.