യു എ ഇ യിലെ ചീക്കിലോട് പ്രവാസി കൂട്ടായ്മ സംഘടിപ്പിച്ചു

അത്തോളി: യു എ ഇ യിലെ ചീക്കിലോട് പ്രവാസി കൂട്ടായ്മ വിവിധ പരിപാടികളോടെ ഓണം ആഘോഷിച്ചു. ഓണസദ്യക്കും സംഗീത വിരുന്നിനു ശേഷം പരിപാടികളുടെ ഉത്ഘാടനം ദുബായ് ആസ്ഥാനമായി പ്രവർത്തിക്കുന്ന ക്രെസ്റ്റൻ മേനോൻ ഗ്രൂപ്പിന്റെ ചെയർമാനും മാനേജിങ് പാർട്ണറുമായ ശ്രീ രാജു മേനോൻ നിർവഹിച്ചു . നന്ദകുമാർ വി അധ്യക്ഷനായ ചടങ്ങിൽ ടി എം ഷജീം മുഖ്യ പ്രഭാഷണം നടത്തി. ,മിഥിലേഷ് , വിനോദ് പട്ടേൽ എന്നിവർ ആശംസകളർപ്പിച്ചു , അധീഷ്‌ എം പി റിപ്പോർട്ട് അവതരണം നടത്തി. ഷെരീജ് വയലിൽ സ്വാഗതവും അനൂപ് സ്മരണ നന്ദിയും പറഞ്ഞു.

     സെപ്തംബർ 17 ഞായർ രാവിലെ 10 മണിമുതൽ വൈകീട്ട് 6 മണിവരെ ദുബായിലെ ജേക്കബ്സ് ഗാർഡൻ ഹോട്ടലിൽ വച്ചായിരുന്നു പരിപാടികൾ നടന്നത്.ഉദ്ഘാടന ചടങ്ങിന് ശേഷം വിവിധ കലാ പരിപാടികളും അരങ്ങേറി.യു എ ഇ യിലെ വിവിധ എമിറേറ്റുകളിൽനിന്നുമായി 150ഓളം ചീക്കിലോട് മേഖലയിൽ പെട്ട പ്രവാസികൾ ചടങ്ങിൽ സന്നിഹിതരായി. മത്സര വിജയികൾക്ക് കൂട്ടായ്മാ അധികൃതരുടെ നേതൃത്വത്തിൽ സമ്മാനങ്ങൾ വിതരണം ചെയ്തു.