കാവിൽ ശ്രീ സുബ്രഹ്മണ്യ ക്ഷേത്രത്തിൽ നവരാത്രി ആഘോഷം സമാപിച്ചു

നടുവണ്ണൂർ: കാവിൽ ശ്രീ സുബ്രഹ്മണ്യ ക്ഷേത്രത്തിൽ ഈ വർഷത്തെ നവരാത്രി മഹോത്സവം സമുചിതമായി ആഘോഷിച്ചു. സെപ്റ്റംബർ 26 മുതൽ സരസ്വതി പൂജയോടെ ആരംഭിച്ച ആഘോഷ പരിപാടികൾ ഇന്ന് അവസാനിച്ചു. വിവിധ ദിവസങ്ങളിലായി നടന്ന പൂജാ കർമ്മങ്ങളിൽ നിരവധി ഭക്തജനങ്ങൾ പങ്കെടുത്തു.

      വിജയദശമി ദിവസം നടന്ന എഴുത്തിനിരുത്തൽ ചടങ്ങിൽ കുരുന്നുകൾ ആദ്യാക്ഷര മധുരം നുകർന്ന് അക്ഷര ലോകത്തേക്ക് ചുവടുവച്ചു. വാഹനപൂജ, പ്രത്യേക പൂജാദി കർമ്മങ്ങൾ എന്നിവയോടെ ആഘോഷ പരിപാടികൾക്ക് സമാപനമായി.